Erkorekak azaldu duenez, “Gobernuak, ETA-rekin bukatzeko erronkan, EAJ-ren laguntza izaten jarraituko du, beti ere, laguntza hori adostua denean eta bost puntutan oinarritzen baldin bada. Lehen puntua, ETArekiko tarte handi eta sakonak izatea eta beti ere, indarkeria edozein jarrera gaitzestea. Bigarrenez, biktimak kontuan hartu eta haientzat beharrezkoak diren neurriak adostu. Hirugarrenez, indarkeriaren edonolako legitimazioa bazter dezakeen egitasmo juridiko-normatiboetan batera lan egin. Laugarrenez, indarkeriari kontra egin, zuzenbidezko estatuaren mugen barne. Eta azken eta bosgarrenez, indarkeria eta terrorismoaren amaiera, elkarrizketan oinarritutako amaiera izateko”.

Erkorekaren ustez “indarkeriaren bukaera, elkarrizketa gabea baldin bada, orduan, inoiz ez dugu izango ziurtasun osoa, bukaera hori behin betikoa izango dela”.