Joseba Agirretxeak, Diputatuen Kongresuan Kultura eta Defentsa gaietarako bozeramaileak, Espainiar Gobernuari egotzi dio "oroimenari errespetu eskasa"diola eta "jabegoak lapurtu zitzaizkien alderdi politiko eta sindikatuak" iraintzen dituela "jabego horiek gudako irabazi gisa espainiar ondarean sartu zirenean". Zentzu honetan, Rafael Catalá Justizia Ministroari eskatu dio "egoera hori konpontzea eta jabeei itzultzea, garai hartan lapurtutako sinboloak,banderak eta jabego guztiak".

Espainiar Gobernuari kontrola egiteko bilkuran, Agirretxeak Gautegiz Arteagako Batzokiko ikurrina erakutsi du, Salamancako agiritegian dagoena, Batzokiak horretarako emana edo lagata izan barik. "Bandera hori EAJren egoitza batetik izan zen lapurtua. Ikerketa egin ondoren oraindik bazegoela eta non zegoen jakin izan genuen. Zer egiten du Salamancan? Nola iritsi da hara? Zenbat gehiago dituzte? Ez dute hori gordetzeko eskubiderik" esan du Diputatu jeltzaleak.

Amaitzeko, Joseba Agirretxeak Justizia Ministroari eskatu dio "duintasunez" eta " jokaera demokratikoz" aritzea eta " inkautatutakoak itzultzea". " Ez da lege berririk behar bidegabekeri hau zuzentzeko" ezarri du.