Kongresuaren diputatua den Uxue Barkosek onartezintzat jo du PSN alderdiak UPNrenganako egin duen hurbiltzea. Barkosen iritziz “PSNk 4. behin behineko xedapenari buruzko eztabaida ilundu egin nahi izan du, PSNk UPNri aurka egiteko daukan ezintasuna ezkutatu nahian. Chivite jaunak jakingo du, alegia, guzti honen zergatia.”



Uxue Barkosek prentsaurreko bat eskaini eta bertan Nafarroa Bai-k, Estatutuaren aurrekontu orokorren proiektuari, aurkeztu dizkion zuzenketak azaldu ditu. Zuzenketa hauek 80 milioi eurotako balioa dute eta, batez ere, gizarte eta azpiegitura gaiei dagokie.



Testuinguru honetan Nafarroa Bai-ko diputatuak “Nafarroa Aurrekontu Orokorrengatik zigortua suertatu” dela adierazi du. Nahiz eta, UPNren kide den, PPren agintaldian ere “kontuak beti puztuak zeuden eta aurrekontuak egiten ziren arren gero ez ziren agindutakoa bezala aurrera eramaten.” Barkosek Nafarroaren komunikazio sarean ematen ari den zigor gogorra azpimarratu nahi izan du, “batetik, Ipar-Hego komunikabideak eta bestetik, Kantauri Mediterraneo ardatz komunikazioak zigor gogorra jasotzen ari dira. Nafarroa inkomunikatua gelditzen ari da eta horrek Nafarroaren txirotzea ekarriko du.”