Horrela baieztatu du Olabarriak Diputatuen Kongresuan gaurkoan izan den prentsa aurrekoan. Olabarriak plazaratu nahi izan ditu bere alderdiak erakunde ikertzaileari luzatu dizkion ondorioak. Gomendioen artean Candido Conde-Punpido Estatuko fiskal nagusiari proposatzen dio “Entzutegi Nazionaleko fiskal nagusiaren jarduera aztertzeko eginbideak bidera ditzan, batzorde ikertzailearen aurrean esandakoaren arabera argi geratzen baita ez duela fenomeno terrorista ezagutzen”.

Halaber, ordezkari jeltzaleak proposatu egin du Entzutegi Nazionaleko atal bat, instrukzio epaile eta fiskal eta guzti, islamiar terrorismoa aztertzeko era dadin. Modu berean, fenomeno hau kultura aniztasunaren aldetik aztertzea eskatu du.