“Askotariko alderdi politiko liberal eta demokratak” izeneko Europako Udako Unibertsitatea Europa osoko hainbat gazte liberal eta demokrata biltzen dituen ekitaldia da.

Europako Udako Unibertsitatearen lehen edizioaren helburuetako bat buruzagi politiko gazteak biltzen dituen ekitaldi bihurtzea da, eta Europako Alderdi Liberal, Demokrata eta Berritzailearen (ELDR) eta Europako Alderdi Demokrataren (PDE) arteko lankidetza sustatzea da. Europaren aldeko Demokraten eta Liberalen Itunak LYMECen (gazte liberalak) eta PDEko gazteen lankidetzarekin batera antolatu du ekimena eta Europako pentsamendu liberalaren eta demokrataren hainbat ikuspegi kontzentratzen ditu.

Udako unibertsitate horretan parte hartzen dutenen artean EGIko hiru ordezkari hauek daude: Miren Saratxaga, Irkus Ansotegi eta Izaskun Etxebarria. Xabier Ezeizabarrenak txostengile bezala parte hartuko du Europar Batasuneko Giza Eskubideen inguruko taldean.

Parte-hartzaileek eurodiputatuekin hainbat gairen inguruan eztabaidatzeko aukera izango dute bi egunetan, esaterako: klima aldaketari, Europar Batasunari, Europar Batasunak munduan duen rolari, globalizazioari eta eleaniztasunari buruz.