Beasaingo tren geltokia izango da RENFEren Geltoki Planaren barruan hobetuko diren azpiegituren artean lehenetsiko den bat. Isabel Sánchez Robles, Euzko Abertzaleak taldeko Sustapen bozeramaileak gaur goizean Diputatuen Kongresuan ospatu den Sustapen Batzordean lortu du konpromiso hau, gaia Beasaingo EAJ-PNVren Taldearekin lankidetzan landu ondoren.

Diputatu jeltzaleak gogoratu duenez "Gipuzkoako herri hau, bere izaera geografiko eta industrial bereziagatik, egiteko garrantzitsua betetzen du inguruko komunikazioekin" baina "tren azpiegitura honek eragozpen ugari eragiten dizkie herrian eta eskualde osoan bizi direnei, eta arazo horiek premia osoz konpondu beharra dago". Irizpide hori abiapuntu hartuta, Sustapen Batzordean gaur goizean aztertu den Legez Besteko Proposamenean, Sánchez Roblesek neurriak eskatu ditu Beasaingo azpiegitura eta RENFE zerbitzua hobetzeko eta erabiltzaileei eragiten zaizkien kalteak arintzeko.

Amaitzeko, Isabel Sánchez Roblesek azaldu duenez "Espainian izan diren gobernuek, Gernikako Estatutuan esaten denari jarraiki hurbileko trenen kudeaketa Euskadira transferitzeari uko egin izan ez baliote, orain ez ginateke egoera honetan egongo".