Pedro Azpiazuk, EAJ-PNV-ren Euzko Abertzaleak legebiltzar taldearen bozeramaile ekonomikoak Alderdi Popularrari egotzi dio "iruzur konstituzionala" egin izana " eztabaida politikoa saihestu duelako gobernuan, lege aurreko esparruan eta legebiltzar egoitzan" eta "atzeko atetik sartu duelako autonomien esparrua leherrarazteko tresna".

8/1980 Lege Organikoa, irailaren 22koa, Autonomi Erkidegoen finantzaketari  buruzkoa eta 2/2012 Lege organikoa, apirilaren 27koa, Aurrekontuen Egonkortasunari eta Finantzen Jasangarritasunari buruzkoa eztabaidatzeko egin den bilkuran, Azpiazuk azpimarratu du Talde Popularrak parlamentuko tramitean sartu duen zuzenketa "Autonomi Erkidegoek osasun alorrean duten ahalmen ekonomikoa murrizten du, arrazionalizazioa aitzakiatzat hartuta" .

Zehatzago esanda, Diputatu jeltzaleak zera salatu du "Konstituzioaren 135. artikuluarekin nahikoa ez balitz, lege aginduz errespetatzen eta betetzen duguna, orain  osotasunaz gain , aurrekontuaren zatiak ere kontrolatu nahi dituzte, besteak beste farmaziako gastuak; gastu publikoen partidarik txikienak eta xehatuenak kontrolatu nahi dituzte". Eta gaineratu duenez " farmazia gastua Ogasun Ministeriora ez bidaltzeak suposa lezake Autonomi Erkidegoei zorpetzea eragoztea. Ez al duzue uste hori benetako gehiegikeria dela? Sistema poliziala antolatu nahi al duzue den dena kontrolatzeko, ala?”.

Zentzu berean, Euzko Abertzaleak taldearen bozeramaile ekonomikoak baieztatu duenez "Espainiar Konstituzioaren 13. artikuluak edo Aurrekontuen Egonkortasunerako lege Organikoak ez dute  aurreikusten  zuzenketa horrek sartu nahi dituen egoerekin zerikusia  duen derrigorrak edo ez betetzeagatiko zigorrak".

Azpiazuk zentzu berean baieztatu duenez "Autonomi Erkidegoen parte hartzea lapurtu da, Zerga eta Finantza Politikarako Kontseilua eta Lurralde arteko Osasun Kontseilua kontuan hartu ez direlako" .

Horregatik guztiagatik baieztatu duenez "lotsagarria eta guztiz eskandalagarria da, inkonstituzionaltasun agerikoa". "Kongresutik ateratzea merezi duzue, eztabaida hau ez baitago legitimatzerik" ezarri du.