Pedro Azpiazuk, Diputatuen Kongresuan EAJ-PNV-ren Legebiltzar Taldearen bozeramaile ekonomikoak, gaur aitortu du Espainiar Gobernuak espainiar ekonomiaren inguruan aurreratu dituen datuen "onak" direla, baina egoera ekonomikoa hauteskunde ekonomikotik bereiztea eskatu du eta baieztatu du bidea oraindik ez dagoela "beharko lukeen bezain argi".

Zentzu honetan, Ekonomia eta Lehiakortasun Ministroaren agerraldiaren kariaz, Azpiazu kezkatuta agertu da "jasanezin" jotzen duen langabezi tasagatik; aurreratu duenez " hurrengo urteotan horrela izaten segituko du".

Era berean azpimarratu duenez "sortzen den enplegua lanaldi erdikoa da,prekarioa eta produktibotasun urrikoa". "Ekonomiak enplegu produktiboa behar du sendoa izateko, prestakuntzan oinarrituta, berrikuntzaren eta industriaren esparruan. Produktibotasun urriko enplegua sortzea gaurko ogia eta biharko gosea izan daiteke" baieztatu du.

Diputatu jeltzaleak era berean azpimarratu du "egiturazko beste defizitak" daudela "oraindik konpondu gabe daudenak". Baieztatu duenez "eskandalagarria da krisian zehar handitu diren desberdintasun egoerak". Horregatik defendatu du "progresibotasun fiskala eta soldata, pentsio eta beste onurei mugak jartzeko praktika onen kodea abian jartzea".