Aitor Estebanek, Diputatuen Kongresuko Euzko Abertzaleak taldeko bozeramaileak, gaurkoan baieztatu duenez "onartezina eta demokraziaren kontrakoa da Auzitegi Konstituzionala osatzen duten 12 epaile organo konstituziogile bihurtzea, Ganberen eta herri ordezkaritzaren gainetik eginez" .

Estebanek gogorki kritikatu du gaurkoan hasi den izapidearen bidez PPk eta PSOEk Lege Proposamen biren bidez Autonomi Estatutuen kontrako aurretiazko inkonstituzionaltasun errekurtsoa berreskuratu izana; era berean salatu duenez "aldarazpen honen bidez, PP eta PSOE sistemaren berezko gaia aldarazten ari dira, oinarriak hain zuzen".

Zentzu berean esan duenez " konstituziogilea ez zegoen aurreikusita Autonomi Estatutuen kontrako aurretiazko inkonstituzionaltasun errekurtsoan, are gehiago, Konstituzioan ez da adierazten Estatutuen kontrako errekurtsorik egon behar denik" eta iragarri du PP eta PSOEk AK hirugarren Ganbera bilakatuko dutela "eta gainera, ez du horretarako zilegitasunik" .

Euzko Abertzaleak taldeko bozeramaileak PP eta PSSOE alderdiak gonbidatu ditu "jarrera aldatzera eta zentzugabekeria honekin ez segitzea, bestela adostasuna guztiz ezinezkoa izango baita". " Zer dute buruan ekimen hori abian jartzean? Galdetu du Aitor Estebanek. Euskadi ote dute buruan?. Eusko Legebiltzarraren baitan egon daitekeen akordioa eragozteko oztopoak jartzen ari al dira, akordioa hemen gauza ez dadin? Arduragabekeria galanta iruditzen zait" ezarri du .