EAJ-PNV-ren Euzko Abertzaleak legebiltzar taldeak gaurkoan baieztatu du ez duela onartzen Auzitegi Nazionalaren epaitza,zeinen bidez uko egin zaion  GALen biktimei kalte ordaina emateari , biktima hauek ETArekin harreman  izan dezaketelako. EAJ-PNV-ren esanetan epaitza “zentzugabea da juridikoki eta moralaren aldetik” eta Giza Eskubideen Europar Epaimahaiari eskatu dio egoera konpontzea.

Emilio Olabarriak, Euzko Abertzaleak talde barruan Justizia eta Barne gaietarako bozeramaileak, baieztatu du epaitza honek “ Terrorismoaren Biktimei aitortza eta babes osoa emateko Lege integrala , Zigor kodea eta Giza Eskubideen Europar Epaimahaiaren jurisprudentzia” urratzen dituela.

Olabarriak era berean esan du epaitza “bereziki kezkagarria” dela GALen krimenak delitutzat jo ezin direla ezartzen duelako “ ETAren kideen kontra egin zirelako” , eta berriro azpimarratu du gai honek  “ ezinbesteko ordaina behar duela”.