Aitor Esteban, Pedro Azpiazu, Pilar Ardanza, Mikel Legarda, Joseba Agirretxea eta Iñigo Barandiaran gaur jabetu dira EAJ-PNVen  diputatu karguaz. Sei legebiltzarkideek, gainera, boto zuria eman dute Kongresuko Presidentea aukeratzeko bozketan.

Esteban, Azpiazu eta Ardanza, Bizkaiko diputatuak dira; Legarda Arabakoa; eta Agirretxea eta Barandiaran izango dira Gipuzkoako diputatuek. Seiak  XI. Legealdiko legebiltzarkide  karguaz jabetu dira. Lauk Konstituzioa lege aginduz onartzeko formula erabili dute eta Iñigo Barandiaranek euskaraz egin du karguaz jabetzea.

Aitor Estebanek baieztatu du sei diputatu jeltzaleek Kongresuko Presidentearen bozketan boto zuria eman dutela Kongresuko Mahaiaren osaketa berriarekin "ados ez gaudelako" eta  arrazoitzeko esan du Podemos eta Ciudadanos taldeek uko egin diotela Ganberako gobernu honetan EAJ-PNVren ordezkaria izateari. Estebanek esan du azken eguneko negoziaketak "oso biziak" izan direla eta deitoratu du azkenean ez duela aurrera egin  Mahaiko bederatzi tokietako batean EAJ-PNVren ordezkari bat izateko bideratu zen akordioak . “Batzuen mugimendurik ezagatik eta besteek EAJ-PNVri berariazko betoa ezarri izanagatik, ezin izan da akordioa lortu" gaitzetsi du.

Zentzu honetan, Estebanek zera deitoratu du "horren guztiaren ondorioz,  gaurkoan egin dena baino anitzagoa izango zen Mahaia izateko aukera galdu da. Horretara ekarri gaitu `politika berri´ deitu duten horrek" ezarri du. Era berean esan du berak ez duela uste Mahaiaren osaketa hau Espainiar Gobernuaren osaketaren aurrekaria denik.

Estebanek iragarri du EAJ-PNVren sei diputatuek behar besteko tramiteak egingo dituztela EAJ-PNVren legebiltzar taldea osatzeko, eta esan du ordezkari jeltzaleak iragan abenduaren 21etik hona  ekimen multzoa  prestatzen aritu izan direla  Espainiar Ganberan epe laburrean aurkezteko .