EAJ-PNVren Euzko Abertzaleak legebiltzar taldeak eta Eibarko EAJ-PNVren Udal Taldeak egin duten lan koordinatuaren ondorioz, Eibarrek berriro izango du herrian NAN agiria eta Pasaportea tramitatzeko bulegoa. Ondorioz,Eibar herrian 2008 urtean kendu zen zerbitzua berreskuratuko da.

Joseba Agirretxeak, berraukeratua izateko aurkezten den EAJ-PNVren Gipuzkoako zerrendaburua pozik agertu da "Rodriguez Zapateroren Gobernu sozialistak kendu zuen zerbitzu garrantzitsua" berreskuratzea lortu delako, kendu zen momentutik "Eibarko herritar guztien eskakizuna" izan delarik. Zentzu horretan esan duenez Madrilgo Euzko Abertzaleak taldeak "Eibarko udal taldearekin lankidetzan, lan etengabea egin dugu legebiltzarrean aurkeztutako ekimenen bidez eta eginkizun zuzenen bidez; lan horiek azkenean fruitua ematea lortu dugu".

Agirretxeak esan duenez Madrilgo ordezkari jeltzaleak "adi egongo gara lortutako konpromiso hori gauzatu dadin eta Eibarko herritarrek zerbitzua albait arinen berreskura dezaten, azken aldian pairatu izan duten lurralde desoreka konponduz". Eibarko EAJ-PNVren Udal Taldeak egin duen ikerketaren arabera Eibar herria da, Estatu mailan,NAN egiteko bulegorik hurbilenera distantzia handiena egin behar den puntuetako bat.