Joseba Agirretxeak, EAJ-PNVren Euzko Abertzaleak taldeko Berdintasun gaietarako bozeramaileak Osasun, Gizarte Zerbitzu eta Berdintasun Ministro Andreari exijitu dio gaur "gai hau bere esku hartzea" eta "albait arinen" telefono konpainiekin batzar dadila, 016ra egiten diren deiak automatikoki ezabatzeko gaiari heltzeko.

Espainiako Gobernuari kontrola egiteko bilkuran, Agirretxeak esan du iragan urtean tratu txarrak jasaten dituzten emakumeak eta beren familiak artatzeko telefono bidezko zerbitzuan 85.000 dei erregistratu zirela, eta gaineratu duenez horietako askorentzat "arazo larria" izan daiteke deiak beren telefonoetan erregistratuta geratzea. "Erasotzaile askok, indarkeria fisikoaz gain  kontrola eragiten dute eta,jakina, beren bikoteen telefonoak erregistratzen dituzte" esan du diputatu jeltzaleak. "Estres egoeran, larritasun egoeran dauden emakumea, ez dago irteera deien erregistrotik deiak ezabatzeko moduan. Genero indarkeriari ezin diogu abantailarik txikiena ere eman" baieztatu du Agirretxeak.

Zentzu honetan eta Dolors Montserrat Ministro andreak telefono konpainiekin batzartuko zela iragarri zuenetik hilabetea igaro dela kritikatu ondoren, Joseba Agirretxeak Ministroari eskatu dio egoera konpontzea "zure erantzukizuna delako".