Diputatuen Kongresuko Euskal Taldeak gaur goizean erregistratu du bere proposamena, zeinaren bidez eskatzen baitu adituek osatutako lantalde bat izan dadila Elizaren baitan adingabeei eragindako abusuei buruzko testigantza ugariak ikertuko dituena.

Legez Besteko Proposamenak, urtarrilaren amaieran iragarritakoak eta EAJ-PNVk albait arinen Osoko Bilkurara eraman nahi duenak, abusu hauen “larritasuna” nabarmentzen du, bai eta “ugari izan direla”, eta horregatik beharrezko jotzen du “Beren irismenaren irudi erreala eta ahalik eta doiena lortzea, biktimei erreparazioa ematea eta halakoak gauzatzea galaraziko duten neurriak hartzea”.

Ekimenaren testuaren arabera, Gobernuak osatu beharko duen lantaldeak txosten bat egin beharko du “aurkitu diren ebidentziak jaso beharko dituena, ondorio batzuk aurkeztuko dituena eta, hala badagokio, ikertutakoaren arabera hartu beharreko neurriak proposatuko dituena”. Txosten hori gehienez ere urtebeteko epean aurkeztuko du Gobernuaren ordezkari den pertsona batek Kongresuko Konstituzio Batzordean, lantaldeko presidenteak lagunduta.

Azkenik, Euskal Taldeak azpimarratu du egokia dela Batzorde independentearen formula hori, erakundeen diatriba politikotik urrun dagoena. Nolanahi ere, jeltzaleen proposamenak alderdi aktibo gisa proposatzen du Kongresua prozesu osoan, txostena erakunde horretan utzi eta aurkeztu beharko delarik du, eta gogoratuz “talde politikoei dagokiela, erregelamendu-bide egokien bidez, egokitzat jotzen dituzten ekimenak bultzatzea, txostenak egingo dituen gomendioen arabera”.

Ondorengo estekan jaso daiteke Euskal Taldeak gaur goizean erregistratutako ekimena: