Next Euskadi
Alderdi Eguna 2022

Prentsa Aretoa

2022/03/09

Aitor Estebanek artxiboak irekitzeko eta kolaboratzeko eskatu dio Pedro Sanchezi, Mikel Zabalza auziaren inguruko egia ezagutu ahal izateko

Gobernuko presidenteak, ordea, eskaera horri erantzun dio, epaitegiek eskatzen badiote bakarrik egingo duela adieraziz; erantzun hori ¬ęetsigarritzat¬Ľ jo du Euskal Taldeko bozeramaileak

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Aitor Estebanek, Kongresuko Euskal Taldearen bozeramaileak, artxiboak irekitzeko eta laguntzeko eskatu dio Pedro Sanchezi, Mikel Zabalzaren kasuaren egia ezagutu ahal izateko. Eusko Jaurlaritzak, Balorazio Batzordearen txosten baten bidez, 1985ean Bidasoa ibaian hilda aurkitu zuten gazte nafarrak, atxilotu eta Intxaurrandoko kuartelera eraman ondoren, 1978tik 1999ra bitartean motibazio politikoko biktimak aitortzeko eta erreparatzeko Legearen baldintzak behar bezala betetzen dituela aitortu eta egun batzuetara kontrol-saioan egindako eskaera.

Espainiako Gobernuko presidenteak, hala ere, ez du irizpenaren baloraziorik egin nahi izan, eta gaineratu du dokumentuak desklasifikatuko dituztela Justiziak eskatzen badie soilik. “Presidentearen erantzuna etsigarria izan da memoria demokratikoa bultzatzeko egingo duela esanez eta indarrean dagoen Sekretu Ofizialen Lege frankista aldatu behar dela onartuz harropuztu den bitartean. Gobernuak eman dezake dokumentazioa egia argitzeko eta auzitegiek jardun dezaten”, erantzun du Estebanek.

“Kasua ez zen ondo itxi, Administrazioak uko egin baitzion auzitegiei dokumentazioa emateari. Mikel Zabalza Intxaurrondon hil zen. CNIko buruaren grabazio oso esplizituak daude Guardia Zibilaren Kapitainarekin, non esaten den `eskuetatik joan zitzaiela´, eta beste kasu batzuei buruz ere hitz egiten dute. Auzitegiek jardun dezaten, Sekretu Ofizialen Lege frankista batek babesten dituen sekretuei buruzko beloa altxatuz lagundu behar duzue”, gogoratu du Estebanek. Legea Euskal Taldeak urteak daramatza erreformatzen, eta Kongresuko Mahaiak blokeatu egin du duela ia bi urtetik.

Euskal Taldeko bozeramaileak gogorarazi dio presidenteari Mikel Zabalzaren kasua, gainera, oso “enblematikoa” dela, eta Nafarroako Parlamentua ere ados jarri dela gertatutakoa argitzeko ikerketa bat eskatzeko. “Denok zor dizkiogu egiari gure ahaleginak; batez ere memoria demokratikoa bilatzen dutela diotenek”, esan du Estebanek.

Euskal Taldeak jakinarazi du Estebanek Eusko Jaurlaritzaren txostena helarazi diola Espainiako Gobernuko presidenteari, Mikel Zabalza poliziaren indarkeriaren biktima dela egiaztatzen duena, berak kontrol saioan iragarri bezala.

Next Euskadi