Uxue Barkos Nafarroa Bai-ren diputatuak Behe Ganberako Kultura Batzordean defendatu du ekimen hori eta adierazi du “Nafarroa Bai-ren legez besteko proposamenaren xedea ez dela bakarrik betetzeko geratzen diren obren lizitazioa, baizik eta Iparraldeko frontea gaindituta birgaikuntza lanak egitea, asko direlako erori diren harriak eta landaretza sustraitu delako harresiaren tarteetan eta hori guztia arduratzeko modukoa delako”. Horregatik Barkosek esan du “Nafarroa Bairen ardura bakarra ez dela Guadalupeko baluartearen lizitazioa, une hauetan arriskuan dagoen esparru osoa baizik”.

 

Na-Bairen ekimen honen onespenarekin gobernu zentralak harresien esparru horren zaharberrikuntza obra horiek amaitzeko beharrezko neurriak hartu behar ditu. Obra horien lehen fasea 2004ko maiatzean bukatu zen eta inbertsioa 2 milioi eurotik gorakoa izan zen.