Erkorekak ETAren su eten iraunkorraren iragarpenetik hilabete bat pasa ondoren balorazio positiboa egin du baina gaineratu duenez "oraindik lehen fasean gaude eta eztabaida politikoari heltzea desegokia da".

"Ezin dugu espainiako Gobernuaren presidentearen denbora-kalkulua zalantzan jarri, izan ere, bera baita, azken finean, informazioa duena" azaldu du.

Erkorekaren ustez "su etena eta normalizazio politikoa bereiztu egin behar dira horrela inork ezin izango du erlazionatu edo harreman kausala eratu bata eta bestearen artean".

Buruzagi politikoarentzat "lehenik eta behin bakea finkatu egin behar da eta ondoren, prozesu politikoa martxan jarri behar da. Espainiako Gobernuaren presidenteak ere uste du bakearekin ez dela euskal gatazka konponduko, baizik eta mahaigaineratu dezagun atea irekitzen da".