Erkorekaren aburuz, "logikoa eta saihestezina" da prozesuaren une honetan protagonista nagusiak "Gobernu Zentrala eta ezker abertzalea" izatea. Dena dela, behin alderdien mahaia osatzen denean, alderdi guztiek zeregin eta protagonismo berbera izango dutela gaineratu du.

ETArekin elkarrizketa hasteko baimena eskatzeko bihar du "aukera ona" Kongresuan Jose Luis Rodrigez Zapatero Espainiako presidenteak, EAJren kidearen arabera. Ildo horretan, "oso larritzat" jo du Mariano Rajoy PPren presidenteak "Gobernu Zentralari bake-prozesuan babesik ez emateko eta harremanak hausteko" aukera agertu izana.

Rajoyk egindako adierazpenak "gehiegizkoak" direla esan du Erkorekak. Haren ustez, Alderdi Popularraren "barne tentsioen" ondorio izan daitezke buruzagi popularraren hitzak.