Arantza Tapiak gogoratu duenez, aurreko legegintzaldian, Euzko Abertzaleak taldeak hainbat ekimen aurkeztu zituen Zarataren gaineko Legea bete zedin, bereziki AP-68 errepideak Ugao-Miraballes udalerrian egiten duen ibilbideari dagokionez.

Tapiak gogoratu duenez, Ugao-Miraballes “herri txikia da, baina asko sufritzen du autobidea herrigunetik igarotzen delako”. Horregatik, ezinbesteko jotzen du enpresa emakidadunak legea betetzea eta zarata gomendagarria dena baino handiagoa bada, neurriak hartzea, besteak beste zarata txikitzeko panelak, Ugao-Miraballeseko biztanleen bizitza erosoagoa eta ez hain zaratatsua izan dadin”. “Ez dugu legearen betepena baino besterik exijitzen” argitu du Arantza Tapiak.

Bere hitz egitean, Tapiak exijitu du Zarataren inguruko 2003ko Legearen betepen zorrotza, aurreko legegintzaldiko Sustapen Ministerioak emaniko datuen arabera. Datuetan islatzen denez AP-68 errepideko ibilgailuak 5.000.000 izan ziren 2011an eta kopururik altuena 2007an eman zen, errepidetik 6.500.000 ibilgailu pasatu zirelako.