Erkorekaren esanetan “Europar Batasunak Espainiar Estatuari eskatu dio hiru maila bi urratsetan igo ditzala, eta hori ez da aldatu. Berdin jarraitzen du eta nik ez dut ezberdintasun handirik ikusten lehen urratsarekin bi maila igo behar izatea ala alderantziz, abiapuntua eta amaierakoa berdin berdinak direlako, eta ahalegin global bera beharko delako”. Horrela argitu du Espainiak edozein kasutan bete beharko duela 2013an defizita %3tan ezartzearena.

Autonomi Erkidegoen eta toki erakundeen konpromisoei dagokienez, Erkorekak zera baieztatu du “agerikoa da helburu berria maila administratibo guztietako defizitean islatu beharko dela” eta azpimarratu duenez  zenbakiak aldatu diren arren ahalegin globala ber-bera izango da 2013 urtera begira “ Gobernuaren helburua hurrengo urteko defizitaren inguruko beste gerra planteatzea ez bada behintzat”.