“Mediterraneoko ardatza lehenetsi beharrekotzat jotzea baztertzailea litzateke” eta ardatz atlantikorako kaltegarria, iragarri du Tapiak. “Ardatz Atlantikoa maila berean bultzatu beharra dugu, eta defendatu egingo dugu ez bakarrik Euskadiko ekonomia eta garapenerako onuragarria izango delako, baizik eta Espainiar eta Frantziar estatuentzako ere onuragarria delako” arrazoitu du Arantxa Tapiak. Azpimarratu duenez, Mediterraneoko ardatzak Espainiar estatua Italiarekin lotzen duen moduan, Atlantikoak Frantzia eta Alemaniarekin egiten du.

Tapiak agerian utzi nahi izan du trenbide garraioan inbertitzeko beharra dagoela, eta azpiegitura garatzen jarraitu beharra dagoela “momentu honetan dagoen egoeratik harago”. Azpimarratu duenez, trenbide azpiegiturak bide azpiegiturekin, portuekin eta aireportuekin osatu behar direla lehiakortasun handiagoa izate aldera.