Josu Erkorekak Gobernuari kontrola egiteko bilkuran aipatzen zuen, Gobernuak 2012ko otsailaren 24an onartu zituen erakunde arautzaileak gainbegiratzeko Lege Aurreproiektua. Lege honen bidez, zortzi erakunde arautzaileak batu nahi ditu erakunde bakar batean. Agintaritza bakar eta multisektoriala sortuko da. Erkorekaren esanetan “merkatuak eta lehiakortasuna arautzeko fakultateak integratuko dituen erakunde bakarra eratzeak eragin kaltegarriak ekar ditzake bere ezeraginkortasun eta disfuntzionaltasunagatik, eta erkidegoko zuzenbidearen arauen kontrakoa delako”. Lege aurreproiektu honek “ontzi berean sartzen ditu ura eta olioa, eta denek dakiten moduan, elementu hauek elkar aldaratzen dute”.