Diputatuen Kongresuak gehiengo handiz onartu berri du Euzko Abertzaleak taldeak aurkeztu duen mozioa. Honen bidez, Gobernuari eskatzen zaio txandaketa prestakuntza eredua sustatzea eta “Autonomi Erkidego eta Unibertsitateekin lan egitea, unibertsitateetan hezkuntza eredu hori ezartzeko araudia hobetzeko xedez”.

EAJren ekimenaren bidez, Gobernuari eskatzen zaio “Txandaketa prestakuntzarako saiakera pilotua martxan jar dezala, Prestakuntza jardunetan enpresekin aurretiazko esperientzia dutela egiaztatzen eta baldintza egokiak bermatzen duten unibertsitate zentro  publikoetan nagusiki”.

Arantza Tapia, Euzko Abertzaleak talde barruan Hezkuntza gaietarako bozeramaileak akordioa adostu du Talde Popularrarekin, Talde Sozialistarekin eta Catalunyako CiU taldearekin, Ganberaren gehiengo zabala lortu duen transakziozko testua onartzeko.

Euzko Abertzaleak taldeak txandaketa defendatu du “profesionalizaziorako bikaintasun bidea eta palanka eraginkorra delako gazteen enplegua berrabiatzeko”, eta ondorioz, pozik agertu da lortutako transakziozko akordioagatik, eta mozioa onartua izan delako.