Diputatu jeltzaleak salatu duenez "Gobernuari zerga diskriminatzaile multzo berria ateratzea bururatu zaio, ingurumen edo ekonomia arloko arrazoirik izan gabe; zerga hauek kontsumitzaileek eta energia sortzaile eraginkorrenek ordaindu beharko dituzte".

Gaineratu duenez, erreforma hau "oso urrun dago ingurumenaren aldeko mezu zentzudunak ematetik, eta dirua biltzeko helburu ezin argiagoa du, bat-batekotasun dosi handiekin". "Adabaki hutsa da, tarifen defizitaren arazoa konpontzen ez duena, eta ingurumenaren aldeko mezurik igortzen ez duena, elementu hauek biak  ez direlako zorroztasunez aztertu".