Hezkuntza gaietan Kongresuko Euskal Taldearen bozeramaile denArantza Tapiadiputatuak ohartarazi dio Espainiako Gobernuari, EAJ aurrez-aurre izango duela, marra gorri horiek gurutzatzeko asmoarekin aurrera jarraitzen badu. “Wert ministroak esan zuen zein zen bere helburua; ikasleak ‘espainolizatzea’. Erreforma hau, jakitera eman den bezela onartzen bada, helburu hori baieztatzera dator, hezkuntza sistema ‘espainolizatzera’ alegia, euskara zokoratzera, eta soilik Autonomia Erkidegoena den eskumena zapaltzera”, salatu du Tapiak.

Arantza Tapiak uste du gainera, Wert ministroa Euskadiko hezkuntza elkartea eta Parlamentuko gainontzeko alderdiak gutxiesten ari dela, inolako akordiorik bilatu gabe ari delako erreforma hau bultzatzen.

Hori guztia dela eta, Arantza Tapiak Wert ministroari eskatzen dio, atzera egin dezala eta bertan behera utzi dezala bere proposamena, gizarteari bizkarra emanez inposatutako erreforma litzakeelako. Tapiak eskatzen dio gainera lan egin dezala benetako akordioetan oinarrituko den hezkuntza sistemaren erreforma baten alde.