Halaber, eta Madrilek aurkeztu duen koadro makroekonomikoa aztertu ondoren, Espainiako Gobernuari egotzi dio Estatuko Aurrekontu Orokorrekin "zarata handiegia" egin duela,  Azpiazuren esanetan "krisitik irteten lagunduko ez dutela" kontuan izanda, hazkunde ekonomikoa enplegua sortzeko bestekoa izango ez delako. Era berean Aurrekontu horiek I+G+B kontzeptuari ekarpenik egiten ez diotela kritikatu du:  "igoera txikia izan arren ez ditu aurreko murrizketak gainditzen eta Europatik gero eta urrunago kokatzen gaitu". Era berean salatu   ditu funtzionarioen soldata izoztuak eta pentsioen %0,25eko igoera "  oraindik  tramite bidean dagoen lege bidez onartzeko dagoen  lege balioa handitzeko indizea aplikatuz egin delako".

Toki erakundeen legearen erreforma

Atzokoan Popularren Legebiltzar Taldearekin adostu zen akordio bidez,  Euzko Abertzaleak Taldeak Toki Administrazioaren Arrazionalizazio eta Jasangarritasun Lege Egitasmoari aurkeztu zion osoko zuzenketa kentzearen inguruan, Aitor Esteban EAJ-PNVren Taldeko bozeramaileak baieztatu duenez " Kontzertu Ekonomikoa eta Gernikako Estatutua errespetatzea lortu da" eta gaineratu duenez "funtsean, akordioa ona da udalentzat".

Zentzu berean  esan duenez, PSEren agintari batzuk "ezjakintasunagatik edo Alderdi Sozialistaren barruan Idazkaritza Nagusia eskuratzeko lasterketan aurrera egiteko" helburuak gidatuta esan dituzte, Euzko Abertzaleak eta Talde Popularrak finantzen tutoretza Foru Aldundien ardurapean finkatzeko adostu duten akordioa kritikatzeko esan dituztenak.

Hartara, Estebanek azaldu duenez hitzartu diren bi zuzenketei esker "euskal udalak Foru Aldundiekin baino ez dira erlazionatuko", kontuak Espainiar Gobernuko Ogasun eta Administrazio Publikoen Ministerioan kontuak azaldu beharrean; ezarri duenez "Lege Egitasmoak martxan jarriko dituen neurriak Euskadiko inguruabar berezietara egokituko dira". Halaber,   "akordio honi esker, Arabako toki erakunde txikien egitura berezia mantentzen" dela  esan du.

Amaitzeko, Estebanek UPNk " akordiora sartzeko" hartu duen jarrera kritikatu nahi izan du  "orain arte  Nafarroaren forutasuna defendatzeaz arduratu ez delako“, eta itxaropentsu agertu da Uxue Barkos Geroa Baiko Diputatuak egin dituen gestio lanei esker  "atzokoan lortutako akordioa Nafarroako Foru Erkidegora zabaltzeko aukera" egon daitekeelako.