Erret Dekretua berresteko eztabaidan Azpiazuk salatu du "PPk eta bere Gobernuak ez dutela Ganbera errespetatzen" eta bere gaitzespen osoa adierazi dio "26 lege aldarazten dituen Erret Dekretuari", PPk lege horiek eztabaidatzea saihestu duelako "Gobernu absolutisten erara jardun duelarik".

Azpiazuk presidente ordeari eskatu dio "hiritarrak ez nahastea" eta zentzu berean adierazi du Euzko Abertzaleak "ezinbesteko" jotzen duela "hazkundea bultzatzeko neurriak martxan jartzea", baina Espainiar Gobernuari eskatu dio "benetako eztabaida ahalbidetzea" eta Gobernuari eskatu dionez "arau hau Lege Egitasmo gisa tramitatzen baldin bada ez ezazue prozedura erabili gero parlamentuan duzuen botereaz baliatzeko eta beste Legebiltzar Taldeen ideiak aurrera egitea eragozteko”.

Pedro Azpiazuk amaitzeko aldarrikatu du Parlamentuaren egitekoa, hiritarrei zor zaien errespetuan eta demokrazian sakontzea eskatu du  eta PPren zinismoa salatu du Dekretu hau berretsi duelako gardentasunaz eta erakunde demokratikoak indartzearen beharraz hitz egiten duen bitartean.

Pedro Azpiazu