Diputatuen Kongresuko Sustapen Batzordeak EAJ-PNVren Euzko Abertzaleak Legebiltzar taldeak Espainiako Gobernuari Euskal Autonomi Erkidegoko ADIF eta RENFE sareetako geltokietan dauden defizitak berehala konpontzea eskatzeko aurkeztu duen den Legez Besteko Proposamena babestu du.

Hain zuzen ere, Iñigo Barandiaran jeltzaleak planteatu duen eta EH Bildu taldearekin adostu den ekimenak hobekuntzak eskatzen ditu C-1 (Bilbao-Santurzi), C-2 (Bilbao-Muskiz) eta C-3 (Bilbao-Orduña) lineetan, tren bidezko garraioaren erabiltzaileei sarbide egokiak eta segurtasuna bermatzea xede.

Hitz egiteko izan duen tartean, Barandiaranek salatu du C-3 lineako hainbat geltokik "oztopo eta zailtasunak" dituela "mugikortasun murriztua duten pertsonentzat". Are gehiago, Diputatu jeltzaleak gogoratu du Arartekoak 2015 urtean egin zuen txostena, zeinetan argi eta garbi adierazi zuen Bizkaiko hurbileko lineek "erabili ezin diren instalazioak" dituztela eta,gainera,"arriskuak suposatzen dituztela".

Amaitzeko, Iñigo Barandiaranek "neurriak" eskatu ditu "egoera oker eta onartezin horiek saihesteko" eta zentzu berean esan duenez "horien inguruan Gobernuari eskatu behar diogu Iresgarritasun Planean jasotzen duen edozein neurri premia osoz abian jartzea".