Next Euskadi

Prentsa Aretoa

2024/06/25

Aitor Esteban, 2.000 eguneko blokeoaren ondoren Botere Judiziala erreformatzeko akordioari buruz: "Harrigarria da hau adosteko hainbeste denbora behar izana"

Euskal Taldeko bozeramaileak egiaztatu du PPk eta PSOEk "nahi dituzten aldaketak egiteko gehiengo kualifikatu nahikoa" dutela eta iragarri du talde jeltzaleak ez duela "inor bozkatuko" hitzartu dituzten epaileen gobernu organoko 20 kideetatik.

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

"Harrigarria da hau adosteko hainbeste denbora behar izana. Ez dirudi hain zaila zenik ados jarri badira". Hala erantzun dio Aitor Esteban Euskal Taldeko bozeramaileak Botere Judizialaren Kontseilu Nagusia (BJKN) berritzeko PPren eta PSOEren arteko akordioaren iragarpenari. Epaileen gobernu organoko 20 kideen izendapenei dagokienez, Estebanek azaldu du PPk eta PSOEk "gehiengo kualifikatu nahikoa" dutela "nahi dituzten aldaketak egiteko", eta adierazi du Euskal Taldeak ez duela adostutako zerrendako "inor bozkatuko". Bozeramaile jeltzalea ere "harrituta" agertu da, PPk Senatuan proposatuta, Jose Maria Macías BJKNko bokalak Auzitegi Konstituzionaleko magistratuaren hutsunea bete dezan akordioaren aurrean. Azkenik, izendapen eredua aldatzeko Botere Judizialaren Kontseilu Nagusiari txosten bat egiteko aginduko dion lege-proposamen bat egiteko akordioari buruz galdetuta, Estebanek esan du "errugbian egin den aurreranzko ostikada” ematen duela. “Orain ea nork hartzen duen baloia. Ikusiko dugu”.

Next Euskadi
Gure Legebiltzar Taldea