Aitor Estebanek adierazi duenez, bere asmoa ez zen presidenteari erronka jotzea, eta ondokoa azpimarratu du: “Kongresuan parte hartzen dudanetik beti hasi izan ditut nire hitzaldiak euskaraz eta beti eman izan dizkiot aurretiaz hitzaldion testuak presidenteari. Orain arte inoiz ere ez da arazorik izan. Gainera, arautegiaren arabera ez dago legerik Kongresuan euskaraz hitz egitea debekatzen duenik, eta ez dugu ahaztu behar hizkuntza asko dauden Estatuan bizi garena".

EAJko diputatuak adierazi duenez, "ez diogu gure hizkuntza erabiltzeari uko egingo, eta ahalegin guztiak egingo ditugu euskaraz hitz egiten jarraitu ahal izateko".