Next Euskadi
Alderdi Eguna 2022

Prentsa Aretoa

2022/03/16

Euskal Taldeak politika industrial “irmo eta sendoa“ erreklamatu du, sektoreari “laguntzeko“

Industria, Merkataritza eta Turismo ministro andreari zuzendutako interpelazioan,Idoia Sagastizabalek “ziurtasuna eta seguritatea” eskatu ditu sektorearentzat, enpresak gelditzea, ixtea eta deslokatzea” saihestuko dituzten neurriekin

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Idoia Sagastizabal Euskal Taldeko Ekonomia, Energia eta Industria arloko bozeramaileak Espainiako Gobernuari eskatu dio industria-politika irmo eta sendoa egitea, sektorea laguntzeko, Errusiak Ukraina inbaditu duenez geroztik “ekaitz perfektu” handi batean murgilduta baitago

Kontrol saioan, diputatu jeltzaleak interpelazio bat egin dio Reyes Maroto Industria, Merkataritza eta Turismo ministroari, lehendik zegoen energia eta lehengaien krisia Ukrainaren inbasioaz geroztik gogortzean hartuko dituen neurriei buruz. Testuinguru horretan, Sagastizabalek ziurtasunak eta segurtasuna eskatu ditu industria-sektorearentzat, enpresen geldialdiak, itxierak eta deslokalizazioak saihesteko neurriekin.

Osoko Bilkuran hitza hartzean, diputatu jeltzaleak deitoratu du automobilgintza, ontzigintza, metala, eraikuntza edo garraioa bezalako sektoreak, ekonomiaren traktore izan behar zutenak, ozta-ozta bizirauten saiatzen ari direla; ez ixteko. Sagastizabalek deskribatu duen bezala, «Botila-lepoak, lehengaien eta horniduren prezioaren eskasia eta igoera, isurketa-eskubideen prezioen igoera eta elektrizitate-eta gas-prezioen igoera neurrigabea, ez dira soilik industria kolokan jartzen ari, baita ekonomiaren susperraldia ere».

Espainiako Gobernua Europako Batasunak gasa argiaren preziotik bereizteko bultzatu nahi duen neurriari dagokionez, Sagastizabalek ziurtatu du “hori onartzeko unea dela, baina ezin dugu hori gertatu arte itxaron, ez baita eraginkorra izango, ez gaur ez bihar”. “Beharrezkoa da neurri gehigarriak hartzea, industria-enpresek salatu izan duten egoera batetik abiatzen baitira, eta egoera hori ez da Europan dutenaren berdina; izan ere, Europakoek askoz laguntza gehiago eta kostuen konpentsazio handiagoa dute, eta horrek prezio lehiakorragoak izatea ahalbidetzen die”, ziurtatu du.

Hori dela eta, bozeramaile jeltzaleak proposatu du EBren onespenik behar ez duten energia-kostuak murrizteko zenbait ekintza egitea: “bidesariak murriztearen alde egiten dugu, potentzia aldaketak ahalbidetzearen alde, sarbide-tarifak aldatzearen alde eta gaueko tarifaz hitz egitearen alde, eta Kontsumitzaile Elektrointentsiboen Estatutua malgutzearen alde”.

Era berean, Sagastizabalek Maroto ministroari gogorarazi dio Euskal Taldeak zuzenketa bat hitzartu eta sartu zuela Klima Aldaketaren Legean, industriak behar dituen CO2-aren zeharkako kostuen konpentsazioa handitzeko, gaur egun osorik bete gabe dagoena.

Azkenik, Sagastizabalek kritikatu du ezohiko egoera hori “presaka egin den energia-plangintza azkar baten ondorio” dela. “Aldizkako energia berriztagarrien ezarpena atzeratzen ari denez, eta teknologia horiek egungo teknologietan izan behar zuten papera argi ez dagoenez, beharrezkoa da babes-teknologia bat izatea, eta gaur egun, zenbait erabakiren ondorioz, teknologia horren mende gaude: gasa”. "Ez da izango Euskal Taldeak behin baino gehiagotan ohartarazi ez duelako gasaren aldi baterako beharra trantsiziorako bide horretan", esan du.

Next Euskadi